UMWANZURO IGICE CYA 11

Umwanditsi: Marie Grâce Leomarthe

Website : Opal.rw

Facebook page: Opal rw

Instagram : Opal rw

Ubwo yaragiye ajya kwa Amida aramutegereza nyamara mukumutegereza yatunguwe nuko ........

Yatunguwe no kubona Amida byamubereye nkaho ariwo munsi wa mbere amubonye yooooo! Nuko Amida ahageze ati" oooh ntago narinziko rwose mwaje hano! Iyo mumpamagara se hari ikibazo?"

Deni nawe ati" ooooh nashakaga kugutungura rwose nyuma yo kuva kwa muganga twari tutarabonana"

Amida nawe ati" ni umugisha kukubona ahangaha birantunguye cyane, gusa ndishimye ko wakize nari mpangayitse cyane"

Deni nawe ati" ahhh nibyo uri umwana mwiza ntawutaguhangayikisha da!"

Amida ntiyitaye gusobanukirwa amagambo kuko Deni yashakaga kumubwira ibyo kujya kureba Ben.

Nuko barinjira batangira kuganira ariko Deni agashaka uburyo bwose yavuga icyifuzo cye bikanga. Ariko Deni abanza gutanga impano Mama we yari yamuhaye ngo ayihe Amida.

Nuko Amida nawe agakomeza akabara inkuru maze Deni ati" ariko Ami! Nigeze nkubwira ko uri umukobwa mwiza cyane kandi burigihe untungura?"

Amida we akagirango ni ugukina ati" hhhhhhh ariko nawe Boss rwose ntugakabye gusa murakoze"

Deni arongera ati" nyamara uku umbona gutya ndacyari umusore ariko ubuze urubavu, ese Ami wakemera ukanyuzuza ukambera urwo rubavu?"

Amida yarikanze cyane kuko atigeze atekereza ko Deni yaba yaramukunze niko kugwa amagambo, ikiganiro kirashira ariko arikomeza ati" Ariko Boss wamenya gutera urwenya? Uziko narimbanje kugira ngo nibyo hhhhhhhh?"

Deni ati" ooooooh nubundi sindi gukina hoya, nkina nareba ibindi nkinisha. Ami kuva nakumenya umutima urakumbaza! Sindi mwiza cyane ariko numva ngushaka undimo ni ibyanyabyo si ibibeshyo. Kandi sinkifuza kumva unyita Boss jya ukoresha Deni..."

Amida ariruhutsa mbese arebye mu maso ha Deni asanga koko ibintu birakomeje nta mikino.

Deni nawe yitegereje Amida abona koko bimuteye gutekereza niko kungamo ati" ariko ntakibazo ufite kubitekerezaho ntago nkwihutisha gusa umenye ko isaha yose nzaba niteguye kukwakira ngiye kugutegereza"

Amida yabuze ijambo asubiza. Ntibyatinze Deni arahaguruka ngo yigendere ariko ageze hanze ariruhutsa ati" ntakibazo ikizima nuko mbivuze". Amida nawe avuye guherekeza Deni yaraje ahita akubitaho urugi ararwegamira kuko yumvaga aguye mu kantu. Agenda asa nuwicara kugeza ageze hasi aricara hafi n'urugi yivugisha ati" ntago bibaho! Ntago bibaho".

Nkwibutsa ko uyu ari Marie Grace Leomarthe ukugezaho iyi nkuru wakora subscribe ndetse na Share.

Ben yaratashye ariko anezerewe cyane kuko yari abonye kunshuro ya mbere Amida amwakira neza, akajya amwenyura.

Niko kwandikira Amida ati" umeze gute se mukobwa mwiza? Biragenda? Ndumva nshaka ejo kukubona bishobotse nyuma y'akazi"

Amida nawe ati" meze neza rwose, ntakibazo rwose tuzabonana! Nubwo nzaba mfite akazi kenshi ariko nzashaka umwanya kubwawe"

Bamaze kuvugana Amida yahise ajya kureba icyo Mama wa Deni yamuzaniye nk'impano maze niko gusanga yamuhaye ibitabo bibiri, kimwe kirimo uko bateka indyo zitandukanye ku buryo bwiza ikindi kirimo uko wakora amahitamo aganisha ku mwanzuro . Asangaho akajambo kavuga" iki ni igitabo cyanjye niyandikiye ndakiguhaye kuko nabonye uzi guteka bisa naho ubikunda! None natekereje ko cyagufasha." 

Yahise agira amatsiko yo kumenya impamvu yamuhaye ikindi gitabo niko gusangamo yamwandikiye ati" Mwana wanjye ubuzima bwose ni amahitamo ndetse no kumenya gufata umwanzuro! Wige gukora amahitamo mazima, umwanzuro ntuzakugora"

Ayo magambo yabaye inshoberamahanga kuri Amida, suko atayumvaga ahubwo nuko yibazaga impamvu aribyo Mama wa Deni yahisemo kumuha biramuyobera. Gusa yahisemo gutangira gusoma igitabo cy'amahitamo.

Bwarakeye maze Deni niko kwibwira ati" reka njye kureba Amida mujyane mugeze ku kazi" dore ko Amida yari yemeye ko ari buze kuba yakongera agasubira mu kazi. Nyamara kurundi ruhande Ben yari yaraye yitekerereza Amida nawe niko kwibwira ko akwiye kujya kureba Amida ngo amusige ku kazi ndetse yongere arebe uko asa dore ko yari n'umukobwa mwiza rwose.

Ntibyatinze umwe ku ruhande rwe aritegura maze Ben atira Papa we imodoka ngo ajye mu kazi ko afite ibyo agomba gukora, Papa wa Ben ntiyigeze abitindaho kuko yaraziko Ben akunda akazi niko kumubwira ati" ariko Ben ntuze kwinaniza sibyo? Dore uracyafite ibikomere ndizera ibyo ubizi neza yego?"

Ben nawe ati" Dawe rwose ibyo ndabyubaha, kandi rwose ndataha kare"

Ubwo Ben yaragiye ariko agezeyo Deni yari yahashyitse yaje gushaka Amida! Ahagera asanga Amida yinjira mu modoka ya Deni, dore ngo aratangira gufuha ndetse no kubona ko uwo bahanganye akomeye yatangiye no kuza kureba Amida mu rugo.

Ben yahise ahamagara Amida ati" Ami bite shn ?"

Amida ati" nibyiza ! Worohewe se?"

Ben ati" oooh ndikugenda noroherwa ahubwo se ko nashakaga kugufata mu rugo hari ikibazo?"

Amida ati" namaze kugenda gusa ahubwo wowe ryama uruhuke kuko utameze neza.

Ben ati" ntakibazo gusa nizere ko uri buze kwibuka gahunda yacu ya nimugoroba sibyo?"

Amida ati" indi ku mutima"

Ben yarasezeye arataha gusa yumva atanyuzwe, amasaha yakomeje kwicuma gusa Ben akabona ko amasaha arimo agenda gahoro ngo yongere yibonanire na Amida yoooo mbega byiza! Mukuri Ben yarari mu rukundo rumwe rwiza!

Amida nawe urahamagawe inshuti ye ati" sha Alicia hari umuntu wansabye ko dusohokana wambwiye uko ndibuze kugenda nsa neza? Nsokoze gute sha? Cyangwa nze kuza umfashe unyereke uko iyo wabaga uko mubigenza sibyo?"

Alicia ati" hhhhhhh Ami uhise ubona se usimbura Fred? Uhm ? Ntakibazo rwose mama nshuti yanjye yo mu buto ntakintu nakwima ngifite ntubizi se? Ndagusanga iwawe ngufashe kare nanjye kuva nagera mu Rwanda nari ntarajya muri rwinshi ariko nimugoroba ndahura n'umushoramari"

Amida nawe ati" oooh ntakibazo"

Ubwo Alicia yaje afasha gucagura mu myenda ya Amida abona nta mwiza cyane niko kujyana Amida ati" reka ngufashe njye kukugurira umwenda urajyana dore ntitunaherukana" mbega Amida yaragiye aracya aba mwiza cyane kuburyo utari bubashe kumumenya ko ariwe usanzwe uzi.

Ben akimukubita amaso yarumiwe kuko atatekerezaga ko Amida ari mwiza kuri urwo rwego, Amida nawe arebye Ben aratangara kuko yari yabyitayeho yambaye neza rwose.

Ben yasanganiye Amida dore ko yaje kumwifatira ngo amujyane aho barasohokera; bagiye kwinjira Ben niko kumufungurira umuryango w'imodoka yooo mbega byiza...

Nkwibutsa ko uyikunze wakora Share nyinshi kandi ntiwibagirwe no kuba wakora subscribe, iyi ni Opal.rw 

Maze bagezaho bari bagiye mbese uwababonaga yababwiraga ko bameze neza cyane ko bajyanye kandi ko baberanye!

Ben yari yakoze ibintu bidasanzwe kuko yumvaga kugendana na Amida, nyamara bakicayaho Ben disi ya.....

Ntuzacikwe n'igice kizakurikira

Igice cya 12 kiraje vuba.........