UMWANZURO IGICE CYA 17

Umwanditsi: Marie Grâce Leomarthe

Website : Opal.rw

Facebook page: Opal rw

Instagram : Opal rw

Duherukana Amida Amara umwanya munini atuje nuko agiye kuvuga aravuga ati" Deni ni ukuri bu.........

" Deni buriya ndagushimira ko waretse nkibuka ibihe byacu bya kera! Ndagushimira ko wemeye kuntegereza iki give cyose kandi uri intwali! Igitekerezo cyawe ndacyumva kandi reka njye kubitekerezaho kuko mfite gufata umwanzuro wa nyuma! Ni ukuri ntacyo ngushinja ariko nkeneye kubanza guha umurongo amarangamutima yanjye"

Deni nawe ati" Ami uwo nshaka niwowe ntawundi nkeneye kandi nzagutegereza mukunzi! Ndagukunda cyane"

Ngwino tujyane nkwereke akandi kantu naguteguriye nshuti yanjye

Nuko mu kugenda yaragiye yegura igitambaro cy'umweru ahantu heza ariko hamuritswe, Amida akihareba yahise asimbuka ahobera Deni atangira kurira yooooooo mbega byiza! Mbega urukundo! Ati" Mana weee Deni ibi wabitekereje gute! Gushushanyisha ifoto yacu ya kera! Iki kibaho kiranejeje. Urakoze cyane nshuti yanjye"

Deni nawe ati" ndagukunda by'ukuri wenda sinjya menya kubigaragaza neza! Gusa nagiraga ngo nawe utunge urwibutso rwacu twembi byabihe tugikundana, turi abana! Gusa si ibyo nsigaje kukujyana ahandi hantu hamwe uyu munsi tukawufunika! Bakomeje muri bwa busitani, Bagera imbere Deni akuraho igitambaro kijya gusa n'umutuku wijimye( Rouge bordeaux)! Yooooo hari piano nziza cyane mbega byiza cyane! 

Yaragiye aricara maze dore ngo aratangira gucuranga anareba Amida, Amida noneho yabuze icyo avuga, arumva gusa indirimbo Deni yaririmbaga. Mbega byiza amaze gusoza Amida yakomye mu mashyi ati" urakoze cyane Deni ni ukuri uranejeje"

Baratashye gusa Amida yaranezerewe , wabonaga ko uwo munsi wari ukomeye. Wasobanuye byinshi mu buzima bwe, kuko Deni yamuhaye ibyishimo yaherukaga kugira mu bwana bwe akiri kumwe n'ababyeyi be.

Dusubiye kwa Ben we yageze mu rugo akomeza kwibaza uko yasubirana Amida kuko yaramaze kureka Sabine! Niko kwibwira mu mutima ko akwiye kuzongera kujya guhura n'Amida.

Gusa ntibyagenze nk'uko yabyifuzaga kuko habaye uruzinduko rwasabaga ko Amida ajyana na Deni, Ben yarababaye ahubwo atangira guhamgayika ko Deni agiye kumutwara umukunzi!!! Yooooo mbega agahinda, amarira, kwicuza mu mutima impamvu atigeze akomera k'urukundo rwe! Yooooo....

Sabine we yarapimye nyuma yuko Ben yahavuye kubw'amahirwe asanga adatwite! Ahubwo burya yararwaye indi ndwara! Nubwo byari bimeze gutyo, Sabine yarateze asanga Amida aho yarari maze niko kumusaba ko bahura bakaganira.

Bageze aho bagombabaga kuvuganira, Sabine ati" Ami mbwizukuri ni iki wahaye Ben gituma agusarira? Kuki utakora ibishoboka byose ngo akwange mbashe kumubona ? Erega buriya Ben ndamukunda gusa amaso ye ari kuri wowe!"

Amida ati" Hoya rwose njye nta ruhare mbifitemo kandi ndagusaba ko wamfasha ukaba undetse rwose mfite akazi kenshi! Sinarinziko aribi umpamagariye! Umukunzi wawe naramukurekeye none mugumane!"

Sabine nawe ati" ndamugumana se aranshaka?"

Amida ati" sinkubeshya agarutse sinamwanga kuko nanjye ndamukunda cyane! Ariko kuko nziko muri kumwe ntakintu na gito nakora kibatandukanya niyo mpamvu nabahunze nkabagendera kure! Humura urukundo rwanjye ntiruzakubangamira!"

Mu gihe yavugaga gutyo Ben yahise aza aramuhobera cyane ati" Amida ntiwakumva uburyo nshimishijwe n'ibyo uvuze wimpunga"

Amida ati" ese Sabi mwankinaga ibiki Ben ageze hano gute da?"

Sabine ati" Ben uri hano gute?"

Ben nawe ati" ahubwo se wowe hano uhafite mishinga ki? Uhm?"

Sabine amarira yabunze mu maso abura ukuntu abigira niko guhita afata umwanzuro wo guterura igikapu cye arigendera! Amida abonye ko Sabine agiye yahise ashaka nawe kugenda kuko icyari cyamuzanye aho cyari kirangiye! Nuko agiye nawe, Ben aramugarura ati" Ami ndabizi narakosheje kugusiga! Nanubu ndacyabyicuza kuba naritesheje umukobwa nkawe sibyo? Ndakwinginze mbabarira"

Amida ati" ariko se wabwiwe ni iki aho turi? Uku niko mukomeza munkina? Mbabarira Ben sinshaka ko wongera kuntesha igihe! Naragutegereje, ariko uje nahisemo guhereza amahirwe undi! Sinkishaka ko unkinisha niyo mpamvu nkuretse! Suko ntagukunda."

Ben yarababaye ndetse arushaho kugira agahinda kenshi ati" Ami ndakubwizukuri ko naje gusanga ari wowe nkunda! Abandi bose ntabo nshaka! Nababajwe nuko nabonaga ugiye kundutisha abandi none ndakwinginze mfasha winta ndacyagukunda kandi nyumva!"

Amida ntiyitaye ku magambo ya Ben kuko yumvaga ari ukumukinisha! Niko guhita afata agakapu ke aragenda ariko intimba ari yose ku mutima; kuko nubwo yarahakaniye Ben ariko k'umutima we urukundo yamukundaga ntirwigeze rugabanukaho habe na gato!

Ben nawe yaratashye ariko yibaza icyo akwiye gukora ngo asubirane n'Amida kuko byari bigoye kandi abona nta mahirwe agifite!

Ben mu kugera mu rugo yasanze ibintu byahindutse ndetse n'isura mu rugo Papa afite yahindutse agira ati" Ben ntasoni? Uriya mukobwa wamukunze ute? Kuki ubabaza Sabine ntasoni?"

Ben bikubitanye n'agahinda yarafite niko guhita avuga ati" Ese papa niba hari ikintu Sabine yaguhaye wagisubiranye ariko ukampa amahoro! Ntawe nzashaka kuko nta mukobwa udafite umuco nkeneye!"

Papa wa Ben nawe ati" ariko wa musore we uwakuroze ntiyakarabye rwose! Koko ubundi Ubu ninjye wakubyaye cyangwa ufite undi so? Kuki utanyumvira? Uhm? Ndakubaza kandi nsubiza"

Ben ati" Papa ahubwo niba koko ari wowe umbyara ndagusaba noneho kuri iyi nshuro kunshyigikira! Guhera kera sinigeze ngusuzugura kuburyo umbwira gutyo! Kandi ndananiwe reka ndyame"

Ben yahise ajya kuryama ariko Mama wa Ben yegereye papa Ben ati" ariko se iyo uri kumubwira ko utari papa we uba ushaka kumvikanisha iki!? Njye ndagusaba kujya wiga kumva umuhungu wawe, cyane ko Sabine atari we mukobwa wenyine wabonye sibyo?"

Papa wa Ben yahise asohoka kuko yumvaga ko umuhungu we ari kumuhemukira kandi Sabine ari we ashaka nk'umukazana!.

Nkwibutsa ko uyu ari Marie Grâce Leomarthe uri kukugezaho inkuru! Ushobora gukora subscribe, share ukajya ubona inkuru Zacu zose niba koko uri umusomyi!

Amida na Deni bavuye aho bari bari bafata ibipimo, nuko mu gutaha Deni yatahanye Amida nuko, Amida bageze mu rugo mu gihe bakicaye Deni niko kumubaza ati" ariko se byibura ntiwampa igisubizo? Nturabitekereza ? Namenye ko Ben yaje kukureba ejo!"

Amida nawe ati" yego yaje kundeba! Ariko sindabona igisubizo naguha ndacyatekereza, ba impaye igihe"

Deni nawe ati" Ami icyo maze kubona ni iki! Nubwo nagukundaga kandi cyane, nawe nubwo utarabisobanukirwa ntamahitamo ugifite ahubwo Ben ni umwanzuro kuri wowe kuko byakunaniye kumureka! Njyewe ndakurekuye, nubishaka uzansanga ariko nutabishaka ntuzansanga"

Amida yarababaye ati" Deni urakoze gusa umbabarire ko ntabashije kugukunda nkuko wankundaga ubimbabarie"

Amida yasohotse mu modoka arataha! Na Deni nawe niko gutaha ariko ababaye ko imbaraga zose yashyizemo atigeze abona igisubizo kizima !

Ariko burya bagenzi hari igihe kubera ingano ukunda umuntu umureka akagenda kuko aribyo byishimo bye! Bikaba ukumugaragariza ko umukunda!

Bwarakeye Ben yandikira Amida ariko amusaba ko bazahura ku cyumweru bakaganira! Gusa Amida yamubwiye ko nibishoboka bazahura! Ko niba amukunda koko akwiye kumuha igihe kuko yakomerekeje umutima we kuburyo bukomeye.

Byageze nimugoroba Amida anyura inzira ya bugufi yakundaga kunyura itarimo amatara ni uko agiye kumva yumva abantu babiri bamuturuka inyuma! Yagerageje kwihuta ariko biranga kuko yatwaye ibyo avuye guhaha!

Nuko umwe yamukubise ikintu mu mutwe yikubita hasi atangira kuvirirana nuko undi amukubita ikindi ku maguru kimeze nk'umuhini! Maze niko kuvuga ati" hhhhh ariko reka twe kumusiga byibura tutumvise uko ameze! Gitangira kwiyambura ariko gihishe ku maso cyambayeho bandana! 

Amida mu tubaraga duke yarasigaranye yarihanganye ashikuzaho agatambaro areba isura!

Uwari agiye kumufata yahinduye gahunda kuko yaragaragaye mu maso niko kubwira mugenzi we ati" umva reka tumusibe kuri iyisi nubundi yatubonye kandi ntibyari biteganyijwe"

Yebaba weeeee Amida nubwo yaviriranaga, atanagenda amarira yatangiye kugwa nuko yazamuye umuhini ngo yongere amukubite neza mu mutwe yooooooo arazamura nuko......

Ntuzacikwe n'igice kizakurikira

Igice cya 18  kiraje vuba.........